बाप्पा, तुला पेंटिंगला केवढा मोठ्ठा पेपर
सकाळ संध्याकाळी वेगळे वेगळे कलर
बाप्पा तुझ्या पेंटिंगमध्ये ढग कीती छान
दडून बसला सूर्य, बघतो हळूच काढून मान
अरे! डोंगराच्या पेंटिंगवर पाखरांचे थवे
रोज कसे देतोस सांग आकार नवे नवे?
पावसाच्या पेंटिंगवर थेंब खरे खरे
सप्तरंगी धनुष्य काढलेस कसे बरे?
शुभ्र ढगा दिलीस का पावसाळ्यात टांग?
विजेसाठी वापरतोस रंग कुठला सांग?
रात्री तुझ्या डब्यातले रंग संपतात का रे?
काळ्या पांढर्या रंगानीच रंगवतोस का सारे
पट्टी, कंपास शिवाय कसं जमत तुला रे?
उन्हाळ्याच्या सुट्टीत माझी ट्युशन घेशील का रे?
बाप्पा, तुला पेंटिंगला केवढा मोठ्ठा पेपर
सकाळ संध्याकाळी वेगळे वेगळे कलर...
-सत्यजित
चित्र- संपदा