गौतमबुद्धाची ध्यानमग्न मूर्ती आणि जातिवंत विदूषकाची मिस्कील नजर यांची एकदम आठवण होते ती श्री. मंगेश पाडगावकरांच्या कवितेत. ती कधी चित्रमयी बनते तर कधी कोड्यात टाकते. या कवितेचं रूप, व्यक्तित्व सारंच वेगळं आहे.
पाडगावकरांनी आपल्या कवितांतून कायम सामाजिक परिस्थितीवर भाष्य केलं आहे. समाजातील भ्रष्टाचार, कोडगेपणा, सत्तालोलूपता यांमुळे अस्वस्थ होऊन त्यांनी 'उदासबोध' रचला. या संग्रहातील काही कविता त्यांच्याच आवाजात...