अभावितपणे होतात अक्षरे..
कुठल्याशा अगोचर वेळी
अक्षरांमधून घडतात शब्दस्फटिक,
त्या शब्दस्फटिकांची उतरंड रचून
अनिमिषपणे मी पाहत राहतो...
शोधत राहतो
एखादा ओळखीचा चेहरा..
दिसलाच जर तो कधी तर
त्या चेहर्यावरचा ओळखीचा केवळ आभासही.... पुरतो मला;
स्फटिकांच्या लक्ष कलांवरून
दशदिशांत लहरत जाणार्या
नाचर्या इंद्रधनुषी रंगांनी
माझ्या नावचं अदृष्ट आभाळ
क्षणभर साकारण्यासाठी....
- paragkan