मनमुराद

--एका पिसाला पकडताना
दुसरंही पीस हाती लागावं,
आणि ते बघताच मन हरखावं
तशी मग मी शब्दांची कास धरली..
सारं काही चुकलं तरी,
"असू दे गो माझी बाय ती"
म्हणणार्‍या शब्दांची माया
मी नि:शंक पांघरली..

--मग कधी मला आभाळभर
मनमोरांचे रंगपिसारे दिसले,
रंगांच्या पावसात उन्हं रंगीत हसली,
आणि उदयाइतकाच अस्तही रमणीय करणार्‍या
पानगळीलाही खुबसूरत बनवणार्‍या
रंगांच्या जादूला,
माझा लवून कुर्निसात घडला..

(नेहमीची चढण चढतानाही
कधी लागत होती धाप,
कधी वळणा वळणात
अडकत होते श्वास,
वाटत होतं हा प्रवास चालणार
फक्त पाठीवरती ओझी घेऊन..
हे चालणं निभवायचंय
खालमानेने,न बोलून)

--म्हणून मग मी..
मग मी..

- Hems