रान पाखरा

रान पाखरा ऽऽऽऽऽऽ
रान पाखरा, दोन दिसाची दुनियेची दौलत ऽऽऽ
आज इथं तर उद्या तिथं

जेथे चारा तेथे थारा
जिथे देणगी तिथे नगारा
जाऊ तेथे निशाण रोवू, ते आपुले दैवत ऽऽऽ
आज इथं तर उद्या तिथं

मिळता खाणे, गाता गाणे
जगायचे तर सुखात जगणे
वार्‍याहूनही बरी आपणा वार्‍याची संगत ऽऽऽ
आज इथं तर उद्या तिथं

वारा नेईल तिकडे जाऊ
एकसुराने गाणी गाऊ, गाणी गाऊ
मिळेल तुकडा पुरे तेवढा, त्यात खरी रंगत ऽऽऽ
आज इथं तर उद्या तिथं