घडी घडी अरे मनमोहना

घडी घडी अरे मनमोहना, हसुनि गुणिजना देखता
नको रे बोलु मशी
भरम धरिल जन तुझा नि माझा पहा पुरती चौकशी
सजणा नको रे बोलु मशी
छबिदार सुरत साजिरी, दिसे गोजिरी, बरी आवडलीस माझ्या मना
कुठे दिसे ना दुजा पुरुष मज, तुजसम रे देखणा
सजणा तुजसम रे देखणा
तुझी प्रीत लाभली कुठुन, रोज नीट उठुन, तुटुन जीव पडतो झाले पिशी
सजणा नको रे बोलु मशी

दिसतेस चटक चांदणी, अगे साजणी, मनी तू ठसलीस अमुच्या गडे
छंद लागला तुझा आम्हाला, रात्रंदिन फाकडे
नीज ध्यास सदा अंतरी, फिदा तुजवरी, घरी मी सिद्ध करुनिया विडे
घरी मी सिद्ध करुनिया विडे
एकांति मुखी घालता, चकाकतील माझ्या हातातील चुडे
इश्काची चटक लागली, जीवा चांगली, रंगली वृत्ती तुजपाशी
सजणा नको रे बोलु मशी
घडी घडी अरे मनमोहना हसुनि गुणिजना देखता
नको रे बोलु मशी