सासुऱ्यास चालली, लाडकी शकुंतला
चालतो तिच्यासवे, तिच्यात जीव गुंतला !
ढाळतात आसावे मोर-हरीणशावके
मूक आज जाहले सर्व पक्षि बोलके
यापुढे सखी नुरे, माधवी-लते, तुला !
पान पान गाळुनी दुःख दविती तरू
गर्भिणी मृगी कुणी वाट ये तिची धरू
दंति धरुनि पल्लवा, आडवी खुळी तिला !
भावमुक्त मी मुनी, मला न शोक आवरे
जन्मदास सोसवे, दुःख हे कसे बरे ?
कन्यका न, कनककोष मी धन्यास अर्पिला !
गाण्याचे आद्याक्षर:
गाण्याचा प्रकार: