तुझ्या कांतिसम रक्तपताका

तुझ्या कांतिसम रक्तपताका, पूर्वदिशी फडकती
अरुण उगवला प्रभात झाली, ऊठ महागणपति ॥ ध्रु ॥

सूर्याआधी दर्शन घ्यावे, तुझे मूषकध्वजा
शुभद सुमंगल सर्वाआधी तुझी पाद्यपूजा
छेडिनि वीणा जागवते तुज, सरस्वती भगवती ॥ १ ॥

आवडती तुज म्हणुन आणिली रक्तवर्ण कमळे
पाचुमण्यांच्या किरणासम हि हिरवी दुर्वादळे
उभ्या ठाकल्या चवदा विद्या घेउनिया आरती ॥ २ ॥

शूर्पकर्णका, ऊठ गजमुखा, उठी रे मोरेश्वरा
तिन्ही जगांचा तूंच नियंता, विश्वासी आसरा
तूझ्या दर्शना अधीर देवा, हर, ब्रम्हा, श्रीपती ॥ ३ ॥