त्या फुलांच्या गंधकोषी

त्या फुलांच्या गंधकोषी, सांग तू आहेस का ?
त्या प्रकाशी तारकांच्या, ओतिसू तू तेज का ?
त्या नभाच्या नीलरंगी, होउनीया गीत का
गात वायूच्या स्वराने, सांग तू आहेस का ?

मानवाच्या अंतरीचा प्राण तू आहेस का ?
वादळाच्या सागराचे घोर ते तू रुप का ?
जीवनी या वर्षणारा, तू कृपेचा मेघ का ?
आसमंती नाचणारी, तू वीजेची रेघ का ?

जीवनी संजीवनी तू माउलीचे दुग्ध का ?
कष्टणाया बांधवांच्या रंगसी नेत्रात का ?
मूर्त तू मानव्य का रे ? बालकाचे हास्य का ?
या इथे अन त्या तिथे रे, सांग तू आहेस का ?