जीवनांत ही घडि अशीच राहु दे
प्रीतिच्या फुलावरी वसंत नाचु दे ॥ ध्रु ॥
रंगविले मी मनात चित्र देखणे
आवडले वेडीला स्वप्न खेळणे
स्वप्नांतिल चांदवा जिवास लाभु दे ॥ १ ॥
हळुच तुला बघण्याचा छंद आगळा
लज्जेचा त्याविण का अर्थ वेगळा
स्पर्शातुन अंगअंग धुंद होउं दे ॥ २ ॥
पाहुं दे असेच तुला नित्य हांसतां
जाउं दे असाच काळ शब्द झेलता
मीलनांत प्रेमगीत धन्य होउं दे ॥ ३ ॥
गाण्याचे आद्याक्षर:
गाण्याचा प्रकार: