सचिन 'वन्डर किड' आहे आणि वन्डर 'किड'च राहणार. त्याच्याबरोबरच्या खेळाडूंच्या पिढ्या बदलल्या, तरी हा मात्र अजून तितकाच तरूण राहत, तेवढ्याच तडफेने खेळतो आहे. तुम्ही काही म्हणा हो, तेंडल्या, सच्या, सचिन भाई, पाजी की अन्य काही, सचिनचा खेळ बघत लहानाचे मोठे झालेल्या आम्हाला सचिन म्हणालं की काही गोष्टी समोर दिसायला लागतात. त्यातील पहिली म्हणजे त्याचे निरागस हसू अन दुसरे म्हणजे त्याचा स्ट्रेट ड्राईव्ह.
भा
श्री. तेजस मोडक हे भारतातले अग्रगण्य ग्राफिक नॉव्हेलिस्ट व चित्रकार आहेत. २००८ साली प्रसिद्ध झालेल्या 'प्रायव्हेट-आय अनॉनिमस - द आर्ट गॅलरी केस' या त्यांच्या पहिल्या ग्राफिक नॉव्हेलाला वाचकांनी, रसिकांनी भरपूर दाद दिली. पेंग्विन व आकृती पब्लिकेशनातर्फे लवकरच त्यांची दोन ग्राफिक नॉव्हेलं प्रसिद्ध होत आहेत. हिन्दुस्तान टाइम्स, द टाइम्स ऑफ इंडिया यांसारख्या अनेक नामांकित वृत्तपत्रांसाठी, प्रकाशनांसाठी त्यांनी चित्रं रेखाटली आहेत. २००९ साली 'कॉस्च्यूम्स' या त्यांच्या कार्टूनमालिकेला अठराव्या दीजेआँ आंतरराष्ट्रीय कार्टून स्पर्धेत पहिलं पारितोषिक मिळालं होतं.
असेच आत जात राहिलो तर दूर कुठेतरी पोचू ह्या विश्वासावर तो एकामागोमाग एक दारं उघडत आत जात राहिला. आत जात जात कुठेतरी खोल - अंधार्‍या - प्रचंड सन्नाटा भरलेल्या काळ्या थंड दगडी भिंतींच्या गुहेत तो जाऊन पोचला आणि तिथेच पाय मोकळे सोडून, थंडगार भिंतीला पाठ टेकवून शांतपणे बसला. थोडावेळ त्याला बाहेरच्या त्याची आठवण आली पण त्याच्यापासून सर्वांत दूर इथेच वाटत होतं. आता इथून उठायला नको. कायमचे इथेच बसू. बाहेरची हवा नको, आवाज नको, वास नको, प्रकाश नको, लोकं नकोत. हीच अवस्था अनादी-अनंत राहो. सुन्न.. थंड.. अंधारी पोकळी!