मालवून टाक दीप, चेतवून अंग अंग
राजसा किती दिसात, लाभला निवांत संग ॥ ध्रु ॥
त्या तिथे फुलांफुलांत, पेंगते अजून रात
हाय तू करु नकोस, एवढ्यात स्वप्नभंग ॥ १ ॥
गारगार या हवेत, घेउनी मला कवेत
मोकळे करुन टाक, एकवार अंतरंग ॥ २ ॥
दूरदूर तारकांत, बैसली पहाट न्हात
सावकाश घे टिपून, एकएक रुपरंग ॥ ३ ॥
हे तूला कसे कळेल, कोण एकटे जळेल
सांग, का कधी जळेल, एकटा जगी पतंग ॥ ४ ॥
काय हा तूझाच श्वास, दरवळे इथे सुवास
बोल रे हळू, उठेल चांदण्यावरी तरंग ॥ ५ ॥
गाण्याचे आद्याक्षर:
गाण्याचा प्रकार: