दिवस आजचा असाच गेला

दिवस आजचा असाच गेला, उद्या तरी याल का
अन राया अशी जवळ मला घ्याल का ?

पैठणी जांभळी जरिकुंद नेसुनी
मी वाट पहाते केव्हाची बैसुनी
हि घडीमागुनी घडी जातसे सुनी
जागरणाने जळती डोळे
काजळ घालाल का ?

किती किती योजिले होते बोलायचे
मनगूज मनीचे होते खोलायचे
संगतीत तूमच्या होते उमलायचे
कळ्या आजच्या शिळ्या उद्याला
ओठाशी न्याल का ?

या सरत्या राती तळमळते मी अति
लोळते पलंगी, पुन्हा बदलते कुशी
मज रुते बिछाना, नको नको हि उशी
हवा वाटतो हात उशाला
आल्यावर द्याल का ?

गाण्याचे आद्याक्षर: 
गाण्याचा प्रकार: