दर्पणि बघते मी गोपाळा
साज सुगंधी करु कशाला ? ॥ ध्र ॥
कोमल माझ्या प्रतिबिंबातुन
बिंब तयाचे बघते न्याहळुन
नेत्रफुलांची होता पखरण
फुलवेणी ही घालु कशाला ? ॥ १ ॥
स्वैर अजानू पाठीवरती
श्यामल कुरळे कुंतल रुळती
सुंदरतेला मिळता मुक्ती
मोहबंधंनी बांधु कशाला ? ॥ २ ॥
भरतां चिंतन नयनी अंजन
गोविंदाचे घडता दर्शन
भक्तीचे हे बांधुन पैंजण
लोकरंजनी नाचु कशाला ? ॥ ३ ॥
गाण्याचे आद्याक्षर:
गाण्याचा प्रकार: