मी चंचल होऊनी आले
धरतीच्या लाटांपरी उधळित
जीवन स्वैर निघाले ||
फुलवुनी गात्री इंद्रधनुष्ये
क्षितिज विंधुनी धुंद कटाक्षे
विरघळलेले नवथर उन्मद
चंद्रकिरण मी प्याले ||
श्रावणाचिया अधरी लपूनी
रिमझिमणार्या धारांमधुनी
पानावरचे पुसुन आसु
उर्वशीस मी हसले ||
नजराणे घेऊन ऋतुंचे
हृदयातील गंधीत हेतुंचे
आकाशाची प्रिया कधी मी
होऊन लाजत सजले ||
जन्ममृत्यूचे लंघुनि कुंपण
स्थलकालाच्या अतीत उमलून
प्रवासिनी मी चिरकालाची
अनाघ्रात मी उरले ||
गाण्याचे आद्याक्षर:
गाण्याचा प्रकार: