स्मरशील राधा, स्मरशील यमुना
स्मरशील गोकुळ सारे,
स्मरेल का पण, कुरुप गौळण
तूज ही बन्सीधरा रे ॥ ध्रु ॥
रास रंगता नदीकिनारी, उभी राहिले मी अंधारी
नकळत तुजला तव अधरावर, झाले मी मुरली रे ॥ १ ॥
ऐन दुपारी, जमीन जळतां, तू डोहावर शिणून येता
कालिंदीच्या जळात मिळुनी, धुतले पाय तुझे रे ॥ २ ॥
मथुरेच्या त्या राजघरातुन, कुंजवनी परतता तूझे मन
उपहासास्तव तरी कधी तू, आठव करशील का रे ॥ ३ ॥
गाण्याचे आद्याक्षर:
गाण्याचा प्रकार: