सखि मंद झाल्या तारका, आता तरी येशील का ?
मधुरात्र मंथर देखणी, आली तशी गेली सुनी
हा प्रहर अंतिम राहिला, त्या अर्थ तू देशील का ?
हृदयात आहे प्रीत अन् ओठांत आहे गीतही
ते प्रेमगाणे छेडणारा, सूर तू होशील का ?
जे जे हवेसे जीवनी, ते सर्व आहे लाभले
तरिही उरे काही उणे, तू पूर्तता होशील का ?
बोलावल्यावाचूनही मृत्यू जरी आला इथे
थांबेल तोही पळभरी, पण सांग तू येशील का ?
गाण्याचे आद्याक्षर:
गाण्याचा प्रकार:
प्रतिसाद
अप्रतिम
अप्रतिम काव्य निर्मिति मनाला पाझ्र्र फोड्ते