विटेवरी ठेला माझा विठ्ठल सवळा
युगे अठ्ठावीस दाटे भक्तिचा उमाळा॥धृ॥
मूर्तीमंत देव नांदे क्षेत्र पंढरीसी
चंद्रभागे तटी ठेवी उभय कर कटिसी
सुशोभती रूळल्या गळा वैजयंती माळा ॥१॥
मेघ दयेचा होऊनी आषाढी कार्तिकी
आलिंगनी अवघा होई देह हा सार्थकी
नयन सौख्य विश्वंभर उभ्या या विश्वाला ॥२॥
कुशल चिंतुनी भक्ताचे पुसे समाचार
भक्ता लागी देई सदा आशेचा आधार
काठोकाठ साठलेला संतरी जिव्हाळा ॥३॥
गाण्याचे आद्याक्षर:
गाण्याचा प्रकार: