पंढरीनाथा, झडकरि आता

पंढरीनाथा, झडकरि आता, पंढरी सोडून चला
विनविते रखुमाई विठ्ठला

ज्ञानदेवें रचिला पाया, कळस झळके वरि तुकयाचा
याच मंदिरी आलो आपण प्रपंच करण्या भक्तजनांचा
भक्त थोर ते गेले निघुनी, गेला महिमा तव नामाचा
विक्रय चाले देवपणाचा, रहायचे मग इथे कशाला?

धरणें धरुनी भेटीसाठी, पायरीला हरिजन मेळा
भाविक भोंदू पूजक म्हणती, केवळ अमुचा देव उरला
कलंक अपुल्या महानतेला, बघवे ना हो रखुमाईला
यायचें तर लवकर बोला, ना तर द्या हो निरोप मजला

गाण्याचे आद्याक्षर: 
गाण्याचा प्रकार: