खरा तो एकची धर्म
जगाला प्रेम अर्पावे............. IIधृII
जगी जे हिन अतिपतित
जगी जे दिन पददलित
तया जाऊन उठवावे
जगाला प्रेम अर्पावे.............II१II
सदा जे आर्त अतिविकल
जयांना गांजती सकल
तया जाऊन हसवावे
जगाला प्रेम अर्पावे............II२II
कुणा ना व्यर्थ शिणवावे
कुणा ना व्यर्थ हिणवावे
समस्तां बंधु मानावे
जगाला प्रेम अर्पावे...........II३II
प्रभुची लेकरे सारी
तयाला सर्वही प्यारी
कुणा ना तुच्छ लेखावे
जगाला प्रेम अर्पावे..........II४II
असे हे सार धर्माचे
असे हे सार सत्यांचे
परार्थी प्राणही द्यावे
जगाला प्रेम अर्पावे..........II५II
गाण्याचे आद्याक्षर:
गाण्याचा प्रकार: