गंध
नवरा गेलाय फिरतीवर, दुसर्या शहरात. घरात मी एकटीच. आता एकटीसाठी काय जेवायला करायचं? साधी खिचडी टाकावी म्हणून मी डाळ-तांदूळ धुऊन पातेलं गॅसवर ठेऊन फोडणी केली तितक्यात.....
डिंग-डाँग.. डिंग-डाँग.. डिंग-डाँग.. डिंग-डाँग.. डिंग-डाँग.....................
पाचवेळा इतक्या घाईघाईने म्हणजे मनूच ती! तिला धीर धरवणार नाही. धावत जाऊन मी दार उघडलं.
"मावशी, बघ गं कसं काय जमलंय मला ते!" दार उघडल्या उघडल्या तिनं काढलेलं गुलाबाच्या फुलाचं सुरेख चित्रं मनूनं माझ्या डोळ्यांसमोर नाचवलं.