औषधाने मी बरा होत नाही (गझल)
औषधाने मी बरा होत नाही
शब्द वैद्याचा खरा होत नाही
नित्य जळते काळीज विस्तवाचे
-की कुणीही सोयरा होत नाही
किती रिचवू मी वीष जीवनाचे?
अता धावा! शंकरा!..होत नाही!
असे नाही की, कैकयीच दु:खी
सुखी ती ही मंथरा होत नाही
स्वप्न त्यांना स्पर्धेत बक्षिसाचे
पूर्ण ज्यांचा अंतरा होत नाही
कधी स्मरले तुज मागल्या घडीला?
स्मरण त्याचे, ईश्वरा, होत नाही
एकदा का हे मर्मबंध तुटले,
पुन्हा त्याचा मोगरा होत नाही
-मानस६
लेखन प्रकार:
