अपर्णा तप करते काननी
Submitted by दिनेश. on सोम., 03/30/2009 - 15:31भस्मविलेपित रूप साजिरे, आणुनिया चिंतनी
अपर्णा तप करते, काननी ॥ ध्रु ॥
वैभवभूषित वैकुंठेश्वर, तिच्या पित्याने योजियला वर
भोळा शंकर परी उमेच्या, भरलासे लोचनी ॥ १ ॥
त्रिशूल डमरु, पिनाकपाणि, चंद्रकला शिरी, सर्प गळ्यातुनि
युगायुगांचा भणंग जोगी, तोच आवडे मनी ॥ २ ॥
कोमल सुंदर हिमनगदुहिता, हिमाचलावर तप आचरिता
आगीमधुनी फूल कोवळे, फुलवी रात्रंदिनी ॥ ३ ॥